Алтынньы 25 күнүгэр Акана нэһилиэгэр, Ньурба оройуонун оскуолаларын үөрэнээччилэригэр анаан «Сахалыы эйгэ – оҕо түмсүүтүгэр» диэн сахалыы тыыннаах коммунарскай сбор үөрүүлээхтик буолан ааста.

Бу дьоһуннаах тэрээһин оҕолорго сахалыы тыыны инэриигэ, хамсааһыннарын күүһүрдүүгэ уонна инники кэскиллэрин түстүүргэ туһуланна.

️Сбор кэмигэр оҕолор бэйэ-бэйэлэрин кытта чугастык билсэн, доҕордоһууларын күүһүрдэн, кэскиллээх идеялары атастастылар. Бу тэрээһин оҕо хамсааһынын салгыы сайыннарарга уонна сахалыы тыыннаах эйгэни тэрийиигэ улахан олугу уурда.